മലപ്പുറം: ദേശീയപാതയില് കാറും ലോറിയും കൂട്ടിയിടിച്ചുണ്ടായ അപകടത്തില് രണ്ട് യുവാക്കള്ക്ക് ദാരുണാന്ത്യം. മലപ്പുറം ദേശീയപാത 66 ചേലേമ്പ്ര ഇടിമുഴിക്കലിന് സമീപമായിരുന്നു അപകടം. മലപ്പുറം സ്വദേശികളായ ഹാരിസ്, കെ ടി ജംഷീര് എന്നിവരാണ് മരിച്ചത്. കാറിലുണ്ടായിരുന്ന മൂന്ന് പേര്ക്ക് ഗുരുതരമായി പരിക്കേറ്റിട്ടുണ്ട്. പുലര്ച്ചെ 3.30ഓടെയായിരുന്നു അപകടം.
സര്വീസ് റോഡിലേക്ക് പ്രവേശിക്കാന് യൂടേണ് എടുത്ത ലോറിയില് കാറിടിക്കുകയായിരുന്നു. അപകടത്തില് ഗുരുതരമായി പരിക്കേറ്റ മുസമ്മില്, ഉവൈസ്, ജാബിര് എന്നിവര് കോഴിക്കോട് മെഡിക്കല് കോളേജ് ആശുപത്രിയില് ചികിത്സയിലാണ്. മരിച്ചവരുടെ മൃതദേഹങ്ങള് കോഴിക്കോട് മെഡിക്കല് കോളേജ് മോര്ച്ചറിയിലാണ്.
Content Highlights: Two young men lost their lives after a car collided with a lorry in an accident on the national highway